ئۇيقۇدىكى قىز. شئېر

‏ ئۇيقۇدىكى قىز
مۇھەممەد يۇسۇف (ئۆزبېكىستان)
‏
قارا يەرگە قويۇپ باش
بىر قىزگىنە ئۇخلايدۇ،
كۆزلىرىگە تولۇپ ياش
ئۇز قىزگىنە ئۇخلايدۇ.
ياتار قۇرۇپ دەرمانى،
مەڭگۈ ئۇخلار گۈلياناق،
تالاي ئىدى ئارمانى
گويا گۈلگۈن قىزغالداق.
بۇ دۇنيادا ھېچ سەندەك-
قىز يوق ئىدى، تۇر سىڭلىم.
ئۆزۈڭ ئارزۇ قىلغاندەك
توي قىلىمىز، يۈر سىڭلىم.
ئاي يۈزۈڭگە بىر نەپەس
يىپەك رومال ئورارسەن.
گۈل-گۈل يېنىپ، مۇقەددەس
چىمىلدىققا كىرەرسەن.
قارا يەرگە قويۇپ باش،
بىر قىزگىنە ئۇخلايدۇ،
كۆزلىرىگە تولۇپ ياش
ئۇز قىزگىنە ئۇخلايدۇ.
‏
‏(مۇھەممەد يۇسۇفنىڭ"شائىر سۆيگۈسى"ناملىق تاللانما توپلىمىدىن )‏