ئابدۇرېھىم ئۆتكۈر ئەپەندى شئېرسى

ئۆمۈر مەنزىلى

(ئابدۇرېھىم ئۆتكۈر)

 

يەشكەندە ئادەملىك مەناسىنى مەن ،

سۆڭۈكۈم تاش كەبى قېتىپ بوپتىكەن .

نە ساۋاب نە گۇناھ بىلگەن چېغىمدا ،

گۇناھىم ھەقدارغا يېتىپ بوپتىكەن.

‏

دوست بىلىپ سىرىمنى بەرسەم بىرىگە  ،

ئۇ مېنى ياتلارغا سېتىپ بوپتىكەن .

كۆزلىرىم كور ئىكەن كۆرگىنى قۇرسۇن ،

غەپلەتتە باھارىم كېتىپ بوپتىكەن .

‏

مەن نادان، نادانمەن يىللار ئالدىدا ،

نەچچە تاڭ مەن ئۈچۈن ئېتىپ بوپتىكەن .

ھوشۇمنى تاپقاندا يۈگۈردۈم ئەمما ،

كۈن مېنى ساقلىماي پېتىپ بوپتىكەن.

‏

گۈل نىمە؟ نە تىكەن قەدرىنى بىلمەي ،

ياخشىلار مېنىڭدىن كېچىپ بوپتىكەن .

ئۇلارغا تەلمۈرۈپ قولۇم سۇنغاندا ،

يەتمىدى بەك يىراق كېتىپ بوپتىكەن .

‏

سىرلىرىم بارمىكىن دەپتىمەن ئەسلى ،

سىرىمنى رەقىپلەر ئېچىپ بوپتىكەن .

مەس ئىكەن يۈرەگىم دەرت پۇشايماندىن ،

قەدەھلەر تولدۇرۇپ ئىچىپ بوپتىكەن .

‏

تىلەيمەن بىر تىلەك ھەمدۇساناھدىن ،

ئۇماڭا كۈچ قۇۋەت بەرسە بوپتىكەن .

شۇم بۇيا ،تىكەنزار بولسىمۇ ئىزىم ،

سايلارغا بىر كۆچەت تىكسەم بوپتىكەن

🔴 مەرھۇم بۇ شېئىرنى بەك ئېسىل يېزىپتىكەن - تارقىتىڭ

2016-06-25




تۇققان

(ئابدۇرېھىم ئۆتكۈر)

 

بىر قورادا بىربۆشۇكتە چوڭ بولدۇق

چوڭ بولغىچە كۆپ ئىشلارنى تەڭ كۆردۇق

ئىشەك مىنىپ جەڭ ئويندۇق بىر چاغلار

دادام ئىشەك بولۇپ بەرسە بىز مىندۇق

 

كونا ئىدى ئولتۇرغان ئۆي بەك سوغاق

بىر يوتقاندا تەڭ ياتقانتۇق يوتقان يوق

ئوماچقىمۇ زار بولغانتۇق بىر چاغلار

باشاقنمۇ تېرگەنتۇق ئاش نان يوق

 

ئىسىڭگە ئال شۇ كۇنلەرنى بىر تۇققان

يەتكەن ئىددى شۇ كۇنلەردە بىر يوتقان

تىزىپ قويدۇم مەن ئۆيۈمگە ئون يوتقان

قۇنالمايدۇ نىچۇن كىلىپ بىر تۇققان

 

پۇل كورگەندە سۇسلاشتمۇ مۇھەببەت

ئانامتىغۇ قىرىنداشنى جەم قىلغان

سەن يوق دەيسەن مەن توقلىقتائوينايمەن

پۇل سورساڭ يوق دەپتمەن بىر تۇققان

 

مەن يىقلسام سەن تاڭسەن ئىڭەكنى

سەندىن ئاياپ نىمە قىلاي ئېشىمنى

سەن ئۆيۈڭدە زاغرا يىسەڭ پۇل يوق دەپ

مەن ئۆيۈمدە قانداق يەيمەن پولۇنى

 

بەخىت كەلسە ساڭا كەلسۇن قىرىنداش

ماڭا بەرسۇن ساڭا بەرگەن جاپانى

نىمە كورسەك تەڭ كۆرەيلى تەڭ يەيلى

قالما ئۇنتۇپ بىر تۇققۇنۇم ئۆيۇمنى

 

مەن ئاغرسام سەن يوقلايسەن بىر تۇققان

مەن ئۆلگەندە سەن كۆمسەن بىر تۇققان

قېرىنداشلىق مېھرى ئۇلۇغ چۇشەندىم

جان بەرسەممۇ ئەرزەر ساڭا بىر تۇققان.






ئىنكاس يېزىشنى ئۇنۇتماڭ

阅读 2001