خىيانەت قىلىنغان مۇھاببەت

خىيانەت قىلىنغان مۇھەببەت
يازغۇچىلار كۇلۇبىدىن ھىدايەت يازمىسى

ھۆرزات بىلەن شىرزات كىچىكىدىن بىر مەھەللىدە ئويناپ چوڭ بولغان.بىللە مەكتەپتە ئوقۇغان يەنە كېلىپ بىر سىنىپتا ئوقۇيىتتى.ئۇلار شۇنداق يېقىن ئىدى.ھەممە ئۇلارغا ھەۋەس قىلىشاتتى.تولۇق ئۈچىنچى يىللىققا چىققاندا تۇيۇقسىزلا شىرزاتنىڭ دادىسى ئۆلۈپ كەتتى.شۇنىڭ بىلەن شىرزات ھەم ئۇنىڭ ئىككى سىڭلىسى دادىسىدىن ئايرىلدى.دادىسىنىڭ ئۆلۈمىدىن كېيىن شىرزاتنىڭ تۇرمۇشى پۈتۈنلەي ئۆزگىرىپ كەتتى.ئۇ ئاپىسىنىڭ ۋە ھۆرزاتنىڭ يالۋۇرغىنىغا ئۇنىماي مەكتەپتىن چېكىندى.پۈتۈن ئائىلىنىڭ يۈكى ئۇنىڭ زىممىسىگە چۈشتى.ئۇ ئىشلىدى، پارچە - پۇرات نەرسىلەرنى ساتتى ئىشقىلىپ ھەممە ئىشلارنى قىلىپ باقتى.شۇ كۈنلەردە ھۆرزات ئۇنىڭغا قولىدىن كېلىشىچە ياردەم قىلدى.شۇنداق قىلىپ ھۆرزات ئەلا نەتىجە بىلەن بېيجىڭ مەركىزى مىللەتلەر ئۇنىۋېرسىتىتىغا قوبۇل قىلىندى.ھەش - پەش دېگۈچە ئۇنىڭ تەتىل ۋاقتى توشۇپ مەكتەپكە بارىدىغان ۋاقتى يېتىپ كەلدى.ئۇرۇق - تۇغقان ،دوسىت - بۇرادەر،ساۋاقداشلارنىڭ ھەممىسى كۆز ياشلىرى بىلەن ئۇنى ئۇزىتىپ قويدى.ئەلۋەتتە شىرزاتمۇ ئۇنى ئۇزاتقىلى كەلدى.ئۇ بىر دەستە ئەتىرگۈل ۋە بىر نەچچە كىتاب ۋە يەنە بىر تال چىرايلىق قونچاقنى ئۇنىڭغا يوللۇق سۈپىتىدى سۇندى.ھۆرزاتمۇ يىغلاپ تۇرۇپ ئالدى.ئۇلار شۇنداق قىلىپ خوشلاشتى.ھۆرزات مەكتەپكە كېلىپ شىرزات سوۋغا قىلغان كىتابنى ئېچىپ قارىدى، ئىچىدە چىرايلىق قاتلانغان بىر پارچە خەت تۇراتتى.ھۆرزات تېزلا خەتنى ئېچىپ قارىدى،خەتتە مۇنۇلار يېزىلغان ئىدى.
«بۇ خەتنى قانچىلىك تەستە يېزىۋاتقانلىقىمنى بىلمەيسەن.ئەسلى مەنمۇ سەندەك ئالى بىلىم يۇرتلىرىدا سەن بىلەن بىللە بىلىم ئالالىسام بەك ياخشى بولاتتى.ئەپسۇس ئۇنداق بولمىدى.سېنىڭ ياخشى ئوقۇپ، ياخشى نەتىجىلەرنى ئېلىشىڭغا تىلەكداشمەن.سەندىن بىر ئىشنى ئۆتۈنەي ماڭا خەت يېزىپ تۇرغىن.مەن بىزنىڭ مۇھەببىتىمىزنىڭ مەڭگۈلۈك بولۇشىنى.ئۈمىد قىلىمەن.ساڭا ئۇتۇقلار يار بولسۇن.
ئاشىقىڭدىن.
ھۆرزات شۇ قۇرلارنى ئوقۇۋېتىپ يىغلاپ كەتتى.
شۇنىڭدىن باشلاپ ئۇ ھەر ھەپتىدە بىر قېتىم شىرزاتقا خەت يازىدىغان بولدى.دىققىتىنى باشقا ئىشلارغا چاچماي پۈتۈن دىققىتىنى ئۆگىنىشكە قاراتتى.
شىرزاتمۇ تىرىشىپ ئىشلەۋاتاتتى.شىرزاتنىڭ ھارۋا سۆرەپ تاپقان پۇللىرى ياز پەسلىدە ئائىلىسىنى قامدىغان بىلەن قىش پەسلىدە سىرت سوغۇق بولغاچقا ئانچە يۈرۈشمەيىتتى.شۇڭا ئۇ بىر ئاشخانىدا مۇلازىم بولۇپ ئىشلىدى.باشتا ئىشنىڭ ئېپىنى بىلمىگەچكە نەچچە قېتىم تىل ئاڭلىدى.كېيىن ئۇنىڭ خۇش مىجەزى ھەممەيلەنگە يېقىپ قالدى.شۇنداق كۈنلەردىمۇ ئۇ شۇنچە كەچ ئىشتىن چۈشسىمۇ ھۆرزاتقا خەت يېزىشنى ئۇنۇتمايىتتى.يازلىق تەتىلدە ھۆرزات كەلدى.ئۇلار يىغلاپ تۇرۇپ كۆرۈشتى.تەتىل مەزگىلىدە شىرزات ھەر ئاماللارنى قىلىپ ھۆرزاتنى خۇشال قىلىشقا تىرىشتى.ئۆزى ئىشلەپ تاپقان ئائىلىسىنىڭ بىر ئايلىق كىرىمىنى ھۆرزاتقا خەجلەپ بەردى.ئۇ ئۇنىماي تۇرىۋالسىمۇ، شىرزات ئۇنىڭغا ئەڭ قىممەت باھالىق كىيىملەرنى ئېلىپ بەردى.ھەمدە ھۆرزاتقا ياقۇت كۆزلۈك ئۈزۈك سوۋغا قىلدى.ئۇ ئۈزۈكنى ھۆرزاتقا تەڭلەپ تۇرۇپ«مېنىڭ يۈرۈكۈم ساڭا ئامانەت »دېدى.
ھەش- پەش دېگۈچە ھۆرزاتنىڭ ئوقۇش پۈتتۈرىشىگە بىر يىللا قالدى.ئۇ ئاستا- ئاستا ئۆزگەردى. مۇشۇ چاغقىچە كېسىپ باقمىغان قاپقارا قۇندۇزدەك ئۇزۇن چاچلىرىنى كەستى.تار كىيىملەرنى كىيمەيتى كىيدى،گىرىم قىلىشنى ياقتۇرمايىتتى،ھازىر كۈندە ئىككى ئۈچ قېتىم قىلىدىغان بولدى.بۇلارنىڭ ھەممىسى ئەتراپتىكى مۇھىت ۋە ساۋاقداشلىرىنىڭ تەسىرىدىن بولغان ئىدى.ھۆرزات ئوقۇش پۈتتۈرۈپ قايتىپ كېلىپ بىر تولۇقسىز ئوتتۇرا مەكتەپتە ئىشقا چۈشتى.بۇرۇن ئارىلاشقان يىگىتى باشقا يۇرتلىق بولغاچقا ئۇ ئۆزى بىلەن بىر ئىشخانىدىكى بىر ياش ئوقۇتقۇچى بىلەن تېپىشىۋالدى.ئۇ بىر يىلدىن بۇيان خەتمۇ يازماي يوقاپ كەتكەچكە شىرزات ئۇنىڭدىن ئەنسىرەپلا تۇردى.قايسى كۈنى ئاپىسىدىن ئۇنىڭ كەلگەنلىكىنى ئاڭلىغان ئىدى ،نېمىشقا مېنى ئىزدىمىگەندۇ دېدىيۇ بەلكىم ئالدىراشتۇ دەپ ئويلاپ كەچتە ئىشتىن چۈشۈپ ئۇنى ئىزدەپ بارماقچى بولدى.
ئۇ بۈگۈن بالدۇرراق ئىشتىن چۈشۈپ ھۆرزاتنىڭ ئۆيى تەرەپكە ماڭدى.ئۇ شۇنداق خۇشال ھالدا كېتىۋاتاتتى.تۇيۇقسىزلا ئالدىدا كېتىۋاتقان بىر جۈپ ياشقا ككزى چۈشۈپ قالدى.«توۋا بۇ قىز ھەجەپ تونۇشلا كۆرۈندا»دېدى ئۇ ئۆز- ئۆزىگە.ئۇ شۇنداق دەپ سەل تېزرەك مېڭىپ ئۇلارنىڭ ئالدىغا ئۆتۈپ قارىدى.قاراپلا چۆچۈپ كەتتى،ئۇ باشقا بىرى ئەمەس ھۆرزات ئىدى.شىرزات ھۆرزاتنىڭ يۈزىگە بىر تەستەك سالدى،ھۆرزات پاڭڭىدە يىغلىۋەتتى.ئۇنىڭ يېنىدىكى ھېلىقى يىگىت شىرزاتقا مۇش تەڭلىگەن ئىدى ھۆرزات توسۇۋالدى.ئۇلار كەتتى،شىرزات يالغۇز قالدى.ھۆرزات ئۇنىڭ بەش يىل كۈتكەن ئەڭ ياخشى كۆرىدىغان ئادىمى ئىدى،كىچىكىدىنلا شىرزات ھۆرزاتنى ياخشى كۆرەتتى.ئەپسۇس، ئۇ ئۇنى تاشلاپ كەتتى.دېمىسىمۇ توغرا ئۇنىڭغا ئوخشاش ئاشخانىدا ئىشلەيدىغان مۇلازىم ئۇنىڭغا قانداق ماس كەلسۇن.بىراق ئۇ قەدىرلەشنى كۆيۈنۈشنى بىلەتتى.
شۇنداق قىلىپ ئەتە ھۆرزاتنىڭ تويى بولغان كۈنى شىرزات بۇ يۇرتنى تاشلاپ كەتىتى.
ئۇ ئچكىرگە كىردى،بىر ئاشخانىدا ئىشلىدى،بۇ جەرياندا ئۇ بىر قەشقەرلىك باي بىلەن تونۇشۇپ قالدى،ئۇ كىشى ئۇنى قەشقەرگە ئېلىپ ئاشخانىسىدا ئۈچ ئاي ئىشلەتتى،بۇ كىشىنىڭ قەشقەرنىڭ ئەڭ ئاۋات يېرىدە ئۈچ ئاشىانىسى بار بولۇپ سودىسى بەك ياخشى ئىدى.ئۇ كىشى شىرزاتنىڭ ئىپادىسىنى كۆرۈپ ئۇنى ياقتۇرۇپ قالدى.
شۇنىڭ بىلەن شىرزاتنى ئۈچ يۈز مىڭ يۈەن خەجلەپ ئوقۇتتى.ئاندىن ئۇنىڭغا ئاشخانىلارنى تاشلاپ قويۇپ ئۆزى بىر چەتتە قاراپ تۇردى.شىرزات تىرىشىپ ئون نەچچە يەردە زەنجىرسىمان دۇككان ئاچتى.ئۇنىڭمۇ ھازىر ئېسىل پىكاپى نەچچە يەردە ئۆيى بولدى.بىراق ئۇ ئۆيلەنمىدى.ئاپىسى نەچچە قېتىم ئېغىز ئاچسىمۇ گەپ قىلمىدى.يۇرتىغا بارسىمۇ ئاپىسى سىڭىللىرىنى كـۆرۈپ،يوق نەرسىلەرنى تولۇقلاپ بېرىپلا قايتاتتى.
شىرزات بىر كۈنى ئۆيىدىن چىقىپ كوچىدىن قايرىلىۋاتقاندا،بىر كىچىك بالىنى سوقۇپ قويدى،ئۇنى دوختۇرخانىغا ئاپارسا بىر قورقۇپ كېتىپتۇ سەل تۇرۇپ ھوشىغا كېلىدۇ دەپ،پۇتىنىڭ سۈرۈلۈپ كەتكەن يېرىنى تېڭىپ قويدى.ئۇ ھېلىقى بالا ئويغانغاندا ئۇنى دوختۇرخانىدىن ئاچىقىپ ،ئۇنىڭ ئۆيىنىڭ نەدىلىكىنى سورىدى،بالا دەپ بەردى.بۇ بالىغا شىرزاتنىڭ ئىچى كۆيدىمۇ قانداق ئۇنىڭغا باشقىچىلا قاراپ كەتتى.
ئۇ بالىدىن سورىدى:
- ئىسمىڭ نېمە؟
- شىرزات.
- ھە،ئىسمىمىز ئوخشاشكەن ھە، نەچچىگە كىردىڭ؟
- بەشكە.
ئۇ بالا بىلەن يول بويى پاراڭلاشتى.بالا ماشىنىدىن چۈشكەندە،شىرزاتمۇ تەڭ چۈشتى.شىرزات ماشىنىدىن چۈشۈپلا بالىسىنى ساقلاپ تۇرغان ئاپىسىغا قارىدى،قاراپلا چۆچۈدى.ئۇ ھۆرزات ئىدى.ھۆرزاتمۇ قاراپلا قالدى.ئۇلار ئاددىلا سالاملاشتى،شىرزات ھۆرزاتنىڭ بالىسىنى سوقۇپ قويغانلىقى ئۈچۈن ئەپۇ سوراپ خوشلاشتى.
ئۇ يول بويى يىغلىدى.ئۇمۇ توي قىلسا بالىسى بولاتتى،ئەمما ئۇنىڭ مۇھەببىتى ھۆرزات بىلەنلا ئاخىرلاشقان ئەمدى يەنە بىرنى سۆيمەيدۇ.
تۈگىدى.