توۋا

توۋا

بىرى كەلسە دىدۇق مەرھابا،
بىرى كەتسە دىدۇق ئەلۋىدا،
بىرى كۈلسە مىڭى قايغۇدا،
ئەجەب دۇنيا ئىكەن بۇ توۋا.


گاھى بىزگە گۈللەر تۇتقۇزدى ،
ئاھ ، بەزىدە ئوغا يۇتقۇزدى ،
ئۇتتۇرغۇزدى ھەمدە ئۇتقۇزدى ،
ئەجەب دۇنيا ئىكەن بۇ توۋا.


بولدى قىلىچ بەزىدە يېكەن،
خەنجەر بولدى گاھىدا تىكەن،
دوستلار دۈشمەن بولدى ئىشەنگەن،
ئەجەب دۇنيا ئىكەن بۇ توۋا.


ئۆتتۇق ئاچلىق ھەمدە توقلۇقتا،
سىنار بىزنى بارلىق ، يوقلۇقتا،
گاھى خاقان ، گاھى قۇللۇقتا،
ئەجەب دۇنيا ئىكەن بۇ توۋا.