ئىنساننىڭ ياشاش ھۇقۇقى با پ بارەۋەر

بىر ئالى مەكتەپ ئوقۇغۇچىسى مۇنداق دەيدۇ: بىزنىڭ مەكتەپتە ئايالچە سائەت تاقىۋالىدىغان بىر دوكتۇر بار ئىدى، بىز ئۇنى كۆرسەكلا مەسخىرە قىلىپ كۈلۈشۈپ كېتەتتۇق، كېيىن بىز ئۇ دوكتۇرنىڭ قولىدىكى سائەتنىڭ يېقىندا ئۆلۈپ كەتكەن قىزىنىڭ سائىتى ئىكەنلىكىنى بىلدۇق. يەنە بىر ۋەقە، بىر كۈنى دوختۇرخانىنىڭ ئالدىدا بىر قىز ئىھتىياتسىزلىقتىن تېيىلىپ كەتكەندە، كەيمە چېچى چۈشۈپ كېتىپ، تاقىر بېشى ئېچىلىپ قالىدۇ، شۇنىڭ بىلەن ئەتراپىدىكىلەر كۈلۈشۈپ كېتىدۇ، ئارىدىن بىرسى دەرھال بېرىپ قىزنى يۈلەپ ياردەم قىلغاندا، قىز تىترىگەن ھالدا: چېچىمنى راك كېسىلى ئېلىپ كەتكەن تۇرسا، ئۇلار مېنى بۇنچە مەسخىرە قىلىشىپ كەتكۇدەك، مەن نېمە گۇناھ ئۆتكۈزدۈم؟ دەپ يىغلاپ كېتىدۇ. مەلۇم مەھەللە ئاقساقىلىنىڭ بىرى بىر كۈنى باشلانغۇچ مەكتەپنىڭ 1ـ يىللىقىدا ئوقۇيدىغان بىر ئوقۇغۇچىنىڭ يېقىندا ۋاپات بولغان ئانىسىنىڭ قەبرىسى ئالدىدا تىزلىنىپ ئولتۇرۇپ: ئانا مەن بىلەن بىرگە مەكتەپكە بارغان بولسىڭىز. چۈنكى مۇئەللىم، ئاپاڭ نېمە ئۈچۈن ساڭا كۆڭۈل بۆلمەيدۇ، دەپ مېنى ئوقۇغۇچىلار ئالدىدا ئوردى، دەپ يىغلاۋاتقانلىقىنى كۆرگەنلىكىنى ئېيتىدۇ. قېرىندىشىم بۇ كىچىككىنە ئۈچ ۋەقەلىكتىن نېمىنى چۈشەندىڭىز ۋە قانداق ساۋاق ئالدىڭىز؟ بەزىدە كۆرگەنگە قاراپلا باھا بەرمەڭ ، ئۇنىڭ كەينىدە سىز ئويلاپ بولاممىغان سەۋەپلەر بولىشى مۇمكىن